Në kuadër të përpjekjeve të saj për të ofruar mundësi të rinjve për të njohur nga afër misionet diplomatike, Akademia Politike “Arbën Xhaferi” organizoi një bashkëbisedim me studentët e rinj dhe të zellshëm nga rajoni i Çashkës.
Gjatë këtij takimi, studentët patën mundësinë të dialogojnë me Ambasadorin e Republikës së Shqipërisë në Maqedoni të Veriut, z. Denion Meidani, duke diskutuar mbi rëndësinë e të rinjve në proceset diplomatike.
Studentët gjithashtu elaboruan rolin e të rinjve në vendimmarrje dhe diskutuan se si mund të shërbejnë si katalizatorë të ndryshimeve pozitive në shoqëri, duke theksuar angazhimin e tyre aktiv në procese politike dhe sociale.
Ky aktivitet pasqyron përkushtimin e Akademisë Politike “Arbën Xhaferi” për të inkurajuar pjesëmarrjen e të rinjve dhe për t’i pajisur ata me njohuri dhe përvojë praktike në fushën diplomatike dhe vendimmarrëse.