Në një reagim të drejtpërdrejtë ndaj zhvillimeve të fundit politike dhe kundërshtimeve brenda radhëve të partisë, Gadaf Uzairi ka dhënë një mesazh të qartë për ata që kanë zgjedhur të qëndrojnë kundër.
“Jeta nuk mbaron me politikën, por as llogaritë nuk mbyllen me heshtje,” është shprehur Uzairi, duke lënë të kuptohet se përplasjet e brendshme nuk do të kalojnë pa përgjigje.
Më tej ai shtoi: “Të gjithë ata që menduan se do të na thyenin, do ta kuptojnë se heshtja jonë nuk është dorëzim, por paralajmërim. Ta keni shëndetin – se gjithçka tjetër do vijë me kohë.”
Ky mesazh, i mbushur me tone sfiduese dhe rezistence, vjen në një moment kritik për strukturat e Aleancës për Shqiptarët, ku tensionet dhe përçarjet po bëhen gjithnjë e më të dukshme.
