Ziadin Sela, para takimit të Frontit Evropian, deklaroi se bëhet fjalë për një takim të zakonshëm me përfaqësues të ngushtë të Aleancës për Shqiptarët dhe Bashkimit Demokratik për Integrim, ku pritet të diskutohet situata aktuale politike dhe të shtrohen çështje mbi veprimet e ardhshme.
“Fronti është një organizëm i gjallë dhe i hapur për të gjithë”, u shpreh Sela, duke shtuar se Arben Taravari duhet të kërkojnë falje publike dhe të pranojnë se ka kuptuar gabimin që kanë bërë. “Pa kërkim faljeje dhe pa sinqeritet, është e vështirë të arrihet ndonjë bashkëpunim”, theksoi ai.
Sipas Selës, nëse nuk ndodh një kërkim faljeje publike, atëherë nuk shihet si e mundur një përfshirje e re në Frontin Evropian. “Të gjitha opsionet mbeten të hapura, por vetëm për ata që tregojnë përgjegjësi dhe reflektim”, përfundoi ai.