Qeveria e VMRO-ZNAM-VREDI ka propozuar një ligj të ri për Ekzekutimin e Sanksioneve, ku është hequr paragrafi që garantonte përdorimin e gjuhës shqipe në kartelat e legjitimimit për drejtorët e burgjeve, bëjnë të ditur media në gjuhen shqipe.
Ky propozim-ligj heq përdorimin e gjuhës shqipe edhe ashtu të gjymtuar nga kartelat e legjitimimit për drejtorët e burgjeve, përbën degradimin dhe përdhosjen e mëtejmë të gjuhës shqipe nga kjo përbërje qeveritare, ku vredistët si vasalë të kësaj qeverie heshtin dhe nuk bëzajnë nga frika e shkarkimit prej posteve të pamerituara qeveritare.
Përdeisa komitët e VMRO-së dhe serbofilët e ZNAMI-it janë të njohur tashmë për ndjenja antishqiptare, nuk mund t’i kuptojmë begunët e VREDI-t që nuk po i dëgjojnë këmbanat e alarmit për kërcënimin e identitetit tonë kombëtarë dhe të gjuhës shqipe nga furia shovinizmit të hapur maqedon ndaj shqiptarëve në përgjithësi brada një viti e gjysmë të funksionimit më të keq të mundshëm të kësaj qeverie me ngjyra shovene.
Kjo nismë me ngjyra nacionaliste dhe diskriminimi ishte era e keqe që doli nga cipa e lakrorit të prisgur që gatoi VREDI për shqiptarët me premtimin për ndryshimin që do të vinte me ta, ku çdo ditë ata broçkullisin për mbrothjen e çeshtjes shqiptare në përgjithësi.
Ndaj, zotërinj vredistë nese nuk keni këllqe t’i mbroni interesat kombëtare nga forruna qeveritare jepni dorëheqje për ta shpetuar edhe atë pak shqiptare që ka ngelur në mendjet tuaja dyzuara pasi nuk vleni më!