Aleanca për Shqiptarët nuk mundet të qendrojë deri në momentin e fundit të mandatit të kësaj qeverie dhe pastaj të vijë të shkarkohet te opozita. Këtë mesazh partisë së Arben Taravari ai dërgoi deputeti i Lëvizjes Besa, Fadli Zendeli sonte nga emisioni “Politica’ në televizionin Globi, përcjell FLAKA.
“Ka një limit pasi ndryshe nuk do të kishte sens. Nga ana tjetër, në esencë elektorati i ASh-së është opozitar dhe e ka vendin te opozita. Por, prapë ata e dinë, janë vetë subjekt politik dhe do marrin vendim”, tha deputeti Zendeli.
I pyetur rreth takimit të kreut të ASH-së me dy përfaqësues të opozitiës shqiptare, Zendeli nuk deshi të flas shumë për këtë çështje dhe nëse janë duke i përafruar qendrimet tani kur Taravari përmendi se mund të braktisin qeverinë.
Sa i takon anëtarit në KSHZ, Zendeli tha se sipas rregullave ai pozicion u takon atyre dhe bindja e ij ishte se do ta kenë anëtarin e tyre në KSHZ.
Sot gjatë ditës, opozita shqiptare ka propozuar Abdush Demirin për anëtarë të Komisionit Shtetëror të Zgjedhjeve. Lëvizja Evropiane për Ndryshim thekson se ligji përcakton qartë se anëtari u takon atyre dhe kërkojnë nga kreu i Kuvendit që pas delegimit të anëtarit nga ana e komisionit amë, ta vendosë zgjedhjen e tij në rend dite.
Duke folur për sodazhet, Zendeli tha se ato që i qujati ai kredibile, i nxjerrin tre subjektet politike sshqiptare të opozitës, BESA, Alternativa dhe Lëvizja Demokratike edhe para BDI-së.
Sa u takon ndryshimeve kushtetuese, Zendeli përsëriti deklaratën e liderit të partisë së tij Bilall Kasami, se nuk do të votojnë për miratimin e tyre. Ai tha se në Kuvend as që flitet për to, shumica aktuale nuk i ka numrat e nevojshme prej 80 deputetë për kalimin e tyre.
Bashkë me deputetin Zendeli në emisionon ishte i edhe gazetari Driton Zenku, ku temë bisede ishte koalicioni opozitar shqiptar “Lëvizja Evropiane për Ndryshim”. FLAKA