Presidenti i Ukrainës, Volodymyr Zelenski, së bashku me udhëheqësit e Britanisë, Francës, Gjermanisë dhe Polonisë, që ndodhen për vizitë në Kiev, zhvilluan sot një bisedë telefonike me Presidentin e SHBA-së, Donald Trump, ku diskutuan mbi përpjekjet për arritjen e paqes.
Lajmi u bë i ditur nga Ministri i Jashtëm i Ukrainës, Andriy Sibikha, i cili në një postim në platformën X deklaroi se Ukraina dhe aleatët e saj janë të gatshëm për një armëpushim të plotë dhe pa kushte, që do të përfshijë tokën, detin dhe ajrin për një periudhë prej të paktën 30 ditësh, duke filluar nga e hëna.
Në lidhje me bisedën ai e përshkroi atë si produktive. Syri.net-CNN.gr.