Juristi dhe opinionisti Qenan Aliu ka komentuar largimin e Krenar Llogës nga skena politike, duke e cilësuar këtë zhvillim si një humbje të ndjeshme për politikën shqiptare. Në një shkrim publik, Aliu thekson se Lloga mund të jetë tërhequr nga pozicionet partiake, por jo nga jeta publike, duke shtuar se prania e tij ka pasur peshë dhe ndikim.
Aliu rrëfen se e ka njohur Llogën në kohën kur ky i fundit mori detyrën e ministrit të Drejtësisë, duke e vlerësuar si njeri me sens politik dhe korrektësi në zbatimin e përgjegjësive shtetërore. Sipas tij, skena politike shqiptare do të mbetet e cënuar jo vetëm për hapësirën që Lloga mbante, por për boshllëkun që lë pas.
Në përfundim, Aliu shprehet se pret që Lloga të vazhdojë të kontribuojë me opinionet e tij në mënyrë të pavarur.
Teksti i plotë:
(Me shkas)
Krenar LLOGA, qenkan larguar nga skena politike dhe angazhimet partiake lidhur me postet e tij. PO JO EDHE NGA JETA PUBLIKE. Largimi i tij nga skena është një humbje e një impulsi serioz politik në kampin shqiptar. Krenarin e njoh shumë pak. Kam dëgjuar për Krenarin sikur se për secilin nga ne që mund të thonë thashethexhinjtë, individ të mençur, duduk dhe trillues. Por unë po jap perceptimin tim.
KRENAR LLOGA e njoha kur ai mori detyrën e ministrit të Drejtësisë si kuadër i ASH-së. Pata rastin me kërkesë të tij që të njihemi. Nga aty fitova përshtypjen se LLOGA kishte sens politik dhe se ishte dalzotës i detyrës që kishte marrë. Ai bëri disa hapa konkret por koha ishte e shkurtër në zbatimin e funksionit që ai te bënte ma shumë.
Skena politike në kampin shqiptar dhe më gjerë pa Krenarin do mbetet e lënduar jo për hapësirën që kishte zënë por për zbrazëtirën e lënë.
Por siç kishte deklaruar, mbetet që Krenari SOLO të kumbojë me opinionet e tij. Faleminderit Krenar LLOGA!
(q.a)