Politikani bullgar dhe ish-eurodeputeti, Angjel Xhambaski, dërgoi fyerje të reja ndaj Maqedonisë kur Tomas Vajc, raportuesi për vendin tonë në Parlamentin Evropian, kërkoi shtyrjen e votimit për raportin për rrugën tonë drejt anëtarësisë së plotë në BE.
Ai gjithashtu përshëndeti shtyrjen e debatit para Komisionit për Punë të Jashtme në Parlamentin Evropian.
“Komisioni për Punë të Jashtme i Parlamentit Evropian sapo shtyu votimin për raportin skandaloz anti-bullgar për përparimin e Republikës së Maqedonisë drejt BE-së nga raportuesi Vajc, për datën 24 qershor.
Këtë periudhë duhet ta shfrytëzojmë maksimalisht, si nga autoritetet bullgare, ashtu edhe nga çdo bullgar. Ne i kemi numrat e telefonit dhe adresat elektronike të përfaqësuesve kryesorë evropianë. T’i telefonojmë, t’i dëgjojmë, t’u dërgojmë qëndrimet tona.
Le të dëgjojnë, le të dinë. Nuk ekziston identiteti shekullor maqedonas – ekziston historia bullgare dhe “komb” Miki Maus, i shpikur në Kremlinin në vitin 1934,” thuhet në postimin fyese të njërit prej liderëve të partisë kontroverse të ekstremit të djathtë VMRO-BND.