Vetëm pak ditë para finales së zgjedhjeve lokale, kandidati i VMRO’së, oligarku Mendi Qyra, po e luan kartën e fundit: paranë. Me portofolin hapur dhe me bindjen se gjithçka ka një çmim, ai po përpiqet të blejë çdo gjë që mund të blihet, nga portalet e deri te funksionarët që e ndihmojnë në prapaskenë.
Kjo është mendësia klasike e oligarkëve që mendojnë se pushteti fitohet me para, jo me ide, jo me besim. Dhe si çdo oligark që i frikësohet votës së lirë, Qyra ka nisur një fushatë të maskuar propagande përmes disa pseudo’gazetarëve që e kanë kthyer etikën profesionale në mall për shitje.
Nëpër portale dhe rrjete sociale janë shfaqur shkrime dhe video që përpiqen të shtrembërojnë realitetin, me pyetje të manipuluara dhe “anketa” të përgatitura për të krijuar një imazh të rremë të mbështetjes popullore. Një farsë e njohur për publikun që tashmë di ta dallojë propagandën nga gazetaria.
Por blerja e zërave të mediave nuk është i vetmi “investim” elektoral i oligarkut. Në terren, paraja po përdoret edhe në formën e asfaltimeve të minutës së fundit, si përpjekje për të fituar votën me ndonjë rrugë të sapohedhur. Kjo është një tjetër mënyrë e vjetër, që tregon përbuzjen ndaj qytetarëve dhe mungesën e respektit për procesin demokratik.
Megjithatë, Struga ka treguar më parë se nuk shitet. Struganët e dinë mirë se jo çdo gjë matet me para dhe se dinjiteti nuk ka çmim. Këtë herë, sado të trashë jetë portofoli i oligarkut, vota e lirë do të mbetet jashtë tregut.