Nëse opozitës shqiptare nuk i jepet anëtar në Komisionin Shtetëror Zgjedhor, VMRO-DPMNE do të shqyrtojë tërheqjen e përfaqësuesve të saj nga ky komision, paralajmëroi kreu i kësaj partie, Hristijan Mickoski, i cili tha se që në fillim “po shihet që dikush po tenton që të kemi proces zgjedhor të paligjshëm dhe jolegjitim”.
“Më duhet ta pranoj se nëse vazhdojnë të sillen kështu, ende po konsultohem me bashkëpunëtorët, por mendoj që nuk ka çka kërkon as VMRO-DPMNE-ja në punën e KSHZ-së. Atëherë le të realizojnë zgjedhje BDI, Ali Ahmeti, Zeçeviq, Mariçiq, Kovaçevski, Spasovski dhe të shohim në çfarë do të ngjajnë ata zgjedhje sepse po shohim se dikush po përpiqet të kemi proces zgjedhor jolegjitim dhe jolegal”, tha Hristijan Mickoski, kryetar VMRO-DPMNE.
E opozita shqiptare, Lidhja Europiane për Ndryshim, priti që çështja e anëtarët të KSHZ-së të përmendjen edhe në fjalimin vjetor të Presidentit, gjë që nuk ndodhi, andaj Fadil Zendeli nga ky koalicion u shpreh se nëse ne hyjmë në zgjedhje pa kompletimin e KSHZ-së, vend që siç tha i takon opozitës shqiptare, atëherë porosia është shumë e qartë.
“Porosia është shumë e qartë, shumë negative, shumë shqetësuese kur edhe vetë Presidenti i shtetit nuk deklarohet rreth kësaj çështjeje për të cilën opinioni dhe të gjithë ne tashmë jemi të shqetësuar për shkak se një institucion duhet të jetë i kompletuar gjatë procesit kur hyjnë në zgjedhje, ai nuk kompletohet pastër, nga obstruksionet dhe bllokada që e kemi në kuvend, veçanërisht nga Kryetari i kuvendit dhe shumica parlamentare”, pohoi Fadil Zendeli, LEN.
Një vend anëtari në KSHZ është vakant për shkak se kur Aleanca për Shqiptarët u fut në Qeveri, anëtari i saj, Krenar Lloga u bë Ministër. Ai duke folur në emër të partisë edhe sot ripërsëriti se nuk heqin dorë nga anëtari në Komisionin Shtetëror Zgjedhor.