Koalicioni VLEN u përcjell urimet më të sinqerta qytetarëve dhe institucioneve të Republikës së Kosovës për përfundimin e suksesshëm të procesit zgjedhor lokal, që edhe njëherë dëshmoi pjekurinë demokratike, stabilitetin institucional dhe kulturën politike të lartë të shtetit të Kosovës.
Njëherit përcjellim urimet më të sinqerta Kryeministrit të Republikës së Kosovës, Albin Kurti, për rezultatin e jashtëzakonshëm të Lëvizjes Vetëvendosje, e cila doli fituese në 7 komuna në nivel shteti në zgjedhjet lokale të sapopërfunduara.
Ky sukses madhor është dëshmi e besimit të palëkundur të qytetarëve të Kosovës në vizionin e qeverisjes së drejtë, të përgjegjshme dhe të ndershme që përfaqëson Vetëvendosje nën udhëheqjen e Kryeministrit Kurti.
Fitorja e madhe në Mitrovicë ka një domethënie të veçantë, ajo simbolizon shtrirjen e plotë të sovranitetit të Republikës së Kosovës në gjithë territorin e saj dhe afirmon përkushtimin e qytetarëve për të ardhmen euroatlantike të vendit.
VLEN i uron Kryeministrit Kurti dhe Lëvizjes Vetëvendosje suksese të mëtejshme në forcimin e shtetit, konsolidimin e institucioneve dhe thellimin e bashkëpunimit ndërshqiptar.