SKANDAL: Bartësi i listës, ministri dhe kryetari i partisë nga VLEN shkelin heshtjen zgjedhore
Në kundërshtim të plotë me ligjin zgjedhor dhe rregullat për heshtjen parazgjedhore, bartësi i listës së koalicionit VLEN, njëherësh ministër aktual dhe kryetar partie, është kapur duke zhvilluar aktivitet politik dhe bërë thirrje për votë vetëm disa orë para hapjes së kutive.
Burime nga terreni raportojnë se aktivitetet janë mbajtur në disa komuna, me prezencë të mediave lokale dhe shpërndarje materialesh propaganduese, pavarësisht ndalimit ligjor që hyn në fuqi 24 orë para zgjedhjeve.
Komisioni Shtetëror i Zgjedhjeve (KSHZ) deri më tani nuk ka reaguar, ndërsa opozita kërkon masa të menjëhershme dhe anulim të aktiviteteve të paligjshme.
Ky rast ngre pikëpyetje serioze për respektimin e barazisë në garën zgjedhore dhe për ndikimin e pushtetit në fushatë.
