Presidenti rus Vladimir Putin ka deklaruar se është kundër çdo forme blasfemie, duke theksuar në mënyrë të veçantë respektin ndaj Islamit. Ai ka theksuar se feja islame është ndërtuar mbi paqen, solidaritetin dhe mirëkuptimin mes njerëzve.
Sipas mediave ndërkombëtare, Putin ka nënvizuar se Rusia mbetet e përkushtuar ndaj harmonisë ndërfetare dhe tolerancës, duke e konsideruar respektin për besimet fetare si një vlerë thelbësore të shoqërisë.
“Feja islame është ndërtuar mbi paqe dhe solidaritet, dhe çdo akt blasfemie është i papranueshëm,” ka deklaruar presidenti rus, duke shtuar se në një botë me sfida të mëdha globale, bashkëjetesa dhe respekti ndërfetar janë më të rëndësishme se kurrë.