Profesori Visar Ademi ka komentuar figurën e Arben Taravarit në një intervistë për TV Alsat, duke theksuar se ai është një personazh që ka krijuar përçarje brenda partive shqiptare që nga vitet ’90.
“Nëse e analizoni figurën e Taravarit që nga viti 1992, do të shihni se ai është rezultat i të gjitha përçarjeve dhe intrigave brenda partive shqiptare. Ai e përça Mendu Thaçin dhe shkoi te Bardhyl Mamuti, dhe më pas e përça dhe Bardhyl Mamutin. Po ashtu, ai e përça dhe bëri ‘lemsh’ Aleancën për Shqiptarët dhe Ziadin Selen, ka pasur takime të përsëritura me Ali Ahmetin dhe ka krijuar përçarje edhe brenda BDI-së. Tani, po e bën të njëjtën gjë edhe me VLEN-in,” ka deklaruar Ademi.
Duke analizuar veprimet e Taravarit, Ademi ka theksuar se figura e tij është e lidhur ngushtë me përçarje të vazhdueshme, duke shtuar se kjo ka krijuar një destabilitet të vazhdueshëm në politikën shqiptare të Maqedonisë së Veriut.