Violinisti i njohur shqiptar, Blerim Grubi, ka shpërthyer në një reagim ndaj Ministrisë së Kulturës të Maqedonisë së Veriut, pas vendimit për ndarjen e subvencioneve për projektet kulturore, ku shqiptarët janë lënë jashtë. Grubi shprehu pakënaqësinë e tij duke e quajtur këtë një goditje të pritur.
“Padëshiruar për ministrin e Kulturës të RMV në ndarjen e subvencioneve për projektet vjetore të kulturës,” shkruan Grubi në një postim të tij në rrjetet sociale.
Grubi shtron një pyetje provokuese për ndjekësit e tij: “Cilit shtet i përket kjo logo?” duke aluduar se shqiptarët po përjashtohen dhe po margjinalizohen në shumë aspekte të jetës në Maqedoninë e Veriut.
Ky reagim ka tërhequr vëmendjen e publikut dhe ka ngjallur diskutime lidhur me trajtimin e popullates shqiptare në vend.