Lidhja Evropian për Ndryshime paralajmëroi bojkotim të kuvendit dhe radikalizim nëse pushtetit vazhdon të tentoj manipulimin e zgjedhjeve të ardhmen përmes Komisionit Shtetëror të Zgjedhjeve. Në një brifing me gazetarët liderët e këtij koalicioni, Afrim Gashi, Izet Mexhiti dheBbilall Kasami kërkuan që Kuvendi të votojë propozimin e tyre për anëtar të KSHZ-së.
AFRIM GASHI, KRYETAR I ALTERNATIVËS
“Si koalicion dëshirojmë të njoftojmë se deri më dhjetor kemi një kërkesë konkrete që Kuvendi të votojë propozimin tonë për anëtar të KSHZ-së. Nëse nuk e votojnë, ne do të largohemi nga Parlamenti, që do të thotë do të bojkotojmë Parlamentin”.
Lideri i Lëvizjes Besa, Bilal Kasami tha se do të pamundësohet organizimi i zgjedhjeve në komunat që i drejton koalicioni. Të njëjtin qëndrim e shprehu edhe lideri i LD-së, Izet Mexhiti. Ai tha se nëse kandidati i tyre, Abdush Demiri nuk zgjidhet anëtar i KSHZ-ë, atëherë LEN-i do ta bojkotojë Kuvendin, duke shtuar se ky do të jetë “vetëm fillimi i radikalizimit”.
IZET MEXHITI, KRYETAR I LIDHJES DEMOKRATIKE
”Nëse nuk zgjidhet deri më 1 janar, da ta bojkotojmë kuvendin. Edhe jo vetëm kaq, ky do të jetë vetëm fillimi i radikalizimit”.
Në brifingun e fundvitit me gazetarë liderët e Lidhjes Europiane për Ndryshim theksuam se viti që po e lëmë pas, ka qenë një vit që ka shënuar një moment historik për skenën politike në RMV, e në veçanti për bllokun politik shqiptar, sepse, siç thanë ata për herë të parë opozita shqiptare bashkohet dhe vjen me mundësi reale dhe forca serioze për ta mposhtur BDI-në dhe për ta ndërprerë regjimin 20 vjeçarë të saj.
Ata thanë se viti 2023 ishte një vit që ka ndryshuar lojën, ndërsa sigurojnë që 2024 do të jetë viti që do të ndyshojë situatën e padëshiruar të qytetarëve. /SHENJA/