Komisioni Hetimor Parlamentar për zhvillimet në Klinikën e Radioterapisë dhe Onkologjisë duhet të vazhdojë sot punën duke shqyrtuar aktet dhe dokumentet që lidhen me skandalin në këtë klinikë.
Para disa ditësh anëtarët e Komisionit filluan 30 ditët e parapara për shqyrtimin e dokumentacionit dhe në seancën e fundit analizuan dokumentacionin e mbledhur dhe transkriptet nga deklarimet e rreth 60 dëshmitarëve të dëgjuar në 30 ditët e mëparshme.
Sipas asaj që u tha në seancën e kaluar, fajin për deputetët e opozitës e ka ish-ministri i Shëndetësisë Venko Filipçe, i cili, siç theksuan nga OBRM-PDUKM, ishte në krye të piramidës së krimit. Ndërsa, nga ana tjetër, për deputetët e pushtetit, opozita politizon rastin me Klinikën dhe pa asnjë provë vihet në rolin e gjykatësit dhe bën akuza të pabaza.
Aleksandar Veljanovski, nënkryetar i Komisionit hetimor për skandalin në Klinikën Universitare për Radioterapi dhe Onkologji, gishtin e ka drejtuar nga ish-ministri i Shëndetësisë Venko Filipçe. Ai akuzoi për lidhje të Filipçes, ish-drejtorit të Klinikës së Onkologjisë Nino Vasev dhe tregtarit me shumicë “Panovski”. /Telegrafi/