Një tragjedi e tmerrshme ndodhi mbrëmë në lagjen rome Kurshanec, pranë Çakovecit. Tre fëmijë humbën jetën në një zjarr që përfshiu shtëpinë e tyre familjare. Viktimat ishin të moshës nëntë, shtatë dhe tre vjeç. Një foshnjë e lindur vitin e kaluar u shpëtua.
“E gjithë komuniteti është në shok. Kjo është një humbje e pariparueshme për familjen dhe për gjithë lagjen tonë,” deklaroi për Medimurski.hr Matjash Dido Orshush, kryetari i komunitetit rom në Medimurje, duke shprehur tronditjen e tij të thellë për këtë ngjarje tragjike.
Ende nuk dihen të gjitha detajet rreth rrethanave të zjarrit. Policia ka mbërritur në vendngjarje dhe po kryen hetime për të përcaktuar shkaqet e tragjedisë. Po zhvillohet një hetim i veçantë për të zbuluar se ku ndodheshin prindërit në momentin e zjarrit.