Kompania e Elon Musk ka qenë fytyra e revolucionit të makinave elektrike, por tani shitjet janë në rënie të lirë.
Shitjet në Australi dhe Gjermani kanë rënë me 70% në muajt e parë të 2025. Rënia më e madhe është parë te regjistrimet e Modelit 3, të cilat kanë pësuar një rënie prej 81.4%.
Ndërsa disa argumentojnë se tregu i përgjithshëm i EV-ve po ngadalësohet, rritja e shpejtë e konkurrentëve si kamioni hibrid Shark 6 i BYD sugjeron se vështirësitë e Teslës mund të jenë më specifike për markën. Si përgjigje ndaj rënies së kërkesës, Tesla ka filluar të zbatojë në mënyrë agresive stimuj financiarë në Amerikën e Veriut, duke përfshirë financime dhe oferta. Përveç kësaj, çmimet e Cybertruck janë ulur me 6,000 dollarë.
Ekspertët thonë se një nga arsyet është fakti që Tesla po përballet me një reagim negativ nga ish-entuziastët e saj, të cilët po distancohen nga marka – disa madje po fshehin logot e Teslës ose po vendosin sticker-a në makinat e tyre për të mohuar lidhjen me Musk. Raportet tregojnë gjithashtu se protestat kundër Teslës po intensifikohen, duke përfshirë që nga bojkotet e dyqaneve deri te aktet e vandalizmit.
Pakënaqësia po rritet edhe mes aksionerëve kryesorë, me disa që po e kritikojnë publikisht Musk për shpërqendrimin nga biznesi kryesor i Teslës.