Një tërmet me magnitudë 7.4 ballë të shkallës Rihter goditi brigjet jugore të Filipineve, duke shkaktuar paralajmërime për cunami nga autoritetet filipinase dhe indoneziane.
Banorëve në qytetet bregdetare në Filipinet qendrore dhe jugore iu kërkua të evakuoheshin, ndërsa autoritetet paralajmëruan për valë mbi një metër mbi nivelet normale të baticës, shkruan BBC.
Të paktën një person u humbi jetën nga lëkundjet sizmike, i cili çoi gjithashtu në ndërprerje të energjisë elektrike dhe pezullim të mësimit në disa pjesë të vendit.
Lëkundja e fundit vjen pak më shumë se një javë pasi një tërmet me magnitudë 6.9 goditi provincën qendrore Cebu të Filipineve , duke vrarë 74 persona dhe duke plagosur qindra të tjerë./abcnews.al