Zohran Mamdani, demokrati progresiv me origjinë nga Uganda, ka qenë kritik i hapur i fushatës ushtarake të Izraelit në Gaza, duke e quajtur atë “luftë gjenocidale”
Ministri izraelit për Çështjet e Diasporës, Amichai Chikli, i ka bërë thirrje komunitetit hebre në New York të largohet nga qyteti, pas zgjedhjes së Zohran Mamdanit si kryebashkiak i ri, duke e cilësuar atë si “mbështetës të Hamasit”.
Chikli tha se “qiriri i lirisë në qytet është shuar” dhe paralajmëroi se “New York-u po ecën me sy hapur drejt të njëjtës humnerë që ka gëlltitur Londrën.”.
Ai shtoi se komuniteti hebre prej 1.3 milion banorësh nuk duhet të presë “asgjë të mirë” nën udhëheqjen e Mamdanit.
Zohran Mamdani, demokrati progresiv me origjinë nga Uganda, ka qenë kritik i hapur i fushatës ushtarake të Izraelit në Gaza, duke e quajtur atë “luftë gjenocidale”.
Megjithatë, Mamdani ka deklaruar disa herë se nuk mbështet Hamasin dhe i njeh sulmet e 7 tetorit si krim lufte.