Të hënën më (19 maj) me fillim nga ora 18:00 në Qendrën Tregtare ‘City Mall’ në Shkup, do të mbahet edicioni i dytë manifestimit “Ditët e Poezisë”, shkruan Portalb.mk.
Mbrëmja do të fillojë me vargje të Grigor Përliçevit dhe Konstandin Milladinovit, si dhe Lilijana Çallovskës, Adem Gajtanit, Gogo Ivanovskit, Igor Isakovskit, Abdylazis Islamit, Slavko Janevskit, Fahri Kajës, Bistrica Mirkulovskës, Georgi Stalevit dhe Same Limani Zharnovskit.
Hapjen do ta udhëheqë Nikola Ristanovski, kurse në performimin e poezisë së klasikëve tanë do ta shoqërojnë studentët e Fakultetit të Arteve Dramatike dhe Fakultetit të Artit Muzikor, pranë UKIM-it.
Afishja e manifestimit “Ditët e Poezisë”. Foto: Organizatorët e manifestimit
Afishja e manifestimit “Ditët e Poezisë”.
Foto: Organizatorët e manifestimit
Vargjet e dy poetëve që na lanë mes dy edicioneve të manifestimit do të jehojnë gjithashtu në publik përmes më të afërmve të tyre: shkrimtari Xhabir Ahmeti do të lexojë përkthim të tijin në maqedonisht të poezisë së vajzës së tij Lindita Ahmeti, kurse Petar Renxhovi dhe Sasho Gigov-Gishi do të performojnë një version muzikor të poezisë së Mihail Renxhovit.
Përmes performancës poetike që do ta sjellin dy të parët e Teatrit Kombëtar Maqedonas, aktorët Nikola Ristanovski dhe Igor Xhambazov, do të prezentohen edhe Leopold Sedar Sengori, poeti frankofon senegalez i cili para saktësisht 50 vjetësh u laureua me “Kurorën e Artë” të Mbrëmjeve Strugane të Poezisë, dhe Aco Shopovi, përkthyesi dhe miku i tij, i cili para 70 vjetësh botoi përmbledhjen “Shkrihu me heshtjen” me të cilën u shënua kthesë historike në zhvillimin e poezisë maqedonase.
Ky aktivitet realizohet nën përkujdesjen e Fondacionit “Aco Shopov- Poezi” dhe Skopje City Mall-it, të cilëve iu bashkangjitet një numër i madh i partnerëve nga sektori i arsimit dhe shkencës.