I mandatuari për kryeministër, Glauk Konjufca, ka folur në mbledhjen e Këshillit.
Ai ka thënë se tash është në radhën e opozitës.
“Një qeveri pa Albin Kurtin është kompromis i madh. Tash e ka radhën opozita. Kishim zgjedhje në shkurt, tash rundin e parë, balotazhin. Nëse ka zgjedhje, konstituimi nuk mund të bëhet deri në shkurt. Kush garanton që mund ta zgjedhim një presidente në fillim të marsit. Kjo do të na dërgonte në pesë palë zgjedhje brenda një viti. Është e papërballueshme për republikën dhe popoullin tonë. Po hyjmë në funksion të interesit publik. Kush e interpreton këtë që VV-ja po frikësohet nga zgjedhjet, që VV-ja nuk është e gatshme për zgjedhje, e ka shumë gabim. Nëse duan ta provojnë, populli është këtu, populli i njëjti, që mendon njëjtë, dhe që unë mendoj nëse nuk sheh reflektim të mirë nga i gjithë spektri politik, do të di me dhanë përgjigjen e vet edhe në dhjetor nëse mbahen zgjedhjet. Ne po e kryjmë edhe një obligim kushtetues. Detyrën që të mos shkojmë në zgjedhje pa e provuar qeverinë e dytë. Ua bëjmë ftesën më të mirë e më të sinqertë dhe ua zgjatim dorën e bashkëpunimit për këto qëllime që i shpjegoi kryeministri Kurti”, tha ai.