Kryetari i Aleancës për Shqiptarët, Arben Taravari përmes një postimi ka njoftuar se aktivitetet në degën e Sarajit të ASH-së po vazhdojnë me intensitet të shtuar dhe me përkushtim të plotë për koordinim dhe zgjerim të strukturave organizative, në vigjilje të zgjedhjeve lokale.
“Sonte na u bashkuan dhjetëra aktivistë nga subjektet e tjera politike. Anëtarëve të rinj u urojmë mirëseardhje. Prurjet e reja në ASH janë një argument plus që jemi në rrugë të mbarë,” deklaroi Taravari.(INA)