Kryetari i Aleancës për Shqiptarët, Arben Taravari ka pritur në takim në Gostivar, kryetarin e BDI-së, Ali Ahmetin.
Siç mësohet, temë e diskutimit të takimit ka qenë bashkëpunimi i mundshëm i dy partive politike shqiptare, të cilat janë pjesë e Qeverisë.
Kreu i Bashkimit Demokratik për Integrim Ali Ahmeti, pas përfundimit të takimit me kryetarin e Aleancës për Shqiptarët, Arben Taravari, tha se të gjitha opsionet për një bashkëpunim të mundshëm në zgjedhje janë të hapura, por vendimi do të merret nga organet partiake.
“Kemi biseduar, por opsionet janë të hapura. Bisedë tepër miqësore. Do të vazhdojmë. Do të takohemi përsëri. I shofim dhe i bisedojmë opsionet. Do t’i bisedojmë vizionet, zhvillimet dhe në sajë të zhvillimeve që do të jepen në organet drejtuese në partitë tona, ne do të marrim edhe vendimet se si dhe për cilin opsion do të përcaktohemi”, deklaroi Ahmeti.