Takim Lloga-Dameva: Bashkëpunimi institucional do të intensifikohet

Ministri i Drejtësisë Krenar Lloga, realizoi takim me kryetaren legjitime të Këshillit Gjyqësor, Vesna Dameva, në të cilin takim biseduan për zhvillimet aktuale në të dy institucionet. Vendimi i Gjykatës Administrative me të cilin Dameva u rikthye në vendin e kryetarit, ngjall shpresë për kthimin e besimit në institucionet, si dhe domosdoshmërinë e punës ligjore dhe të përgjegjshme, tha ministri Lloga, transmeton Portalb.mk.

“E përshëndes vendimin e shumicës së anëtarëve të Këshillit Gjyqësor për ndërprerjen e procedurës për përcaktimin e përgjegjësisë së kryetares së Gjykatës Supreme, Besa Ademi. U mirëpritën edhe procedurat e dy ish anëtarëve të Këshillit Gjyqësor, gjyqtares supreme Mirjana Radevska Stefkova dhe gjyqtarit të apelit, Zoran Gerasimovski, të cilët dhanë dorëheqje për shkak të vendimit për shkarkimin e paligjshëm të Damevës nga funksionit i kryetarit”, shtoi Lloga.

Dameva falënderoi ministrin për të gjitha aktivitetet që ka ndërmarrë në periudhën e kaluar dhe indikacionet për punën dhe veprimet e Këshillit Gjyqësor, të cilat, siç thonë nga Ministria e Drejtësisë, dëshmuan se ky institucion ka nevojë për reforma të patjetërsueshme.

“Në takim u diskutua për Strategjinë për zhvillimin e sistemit të gjyqësorit (2024-2028) dhe masat që janë parashikuar me të për reformat në zgjedhjen, përgjegjësinë dhe shkarkimin e kryetarit dhe anëtarëve të Këshillit Gjyqësor. Strategjia plotësisht është harmonizuar me rekomandimet e Misionit vlerësues, për të cilat kryetarja e këshillit, Dameva, shprehi gatishmërinë për implementimin e tyre”, thuhet në njoftimin e Ministrisë së Drejtësisë.

Lloga tha se gjatë javës së ardhshme Grupi Punues do të përgatisë draft versionin e ndryshimeve ligjore për Këshillin Gjyqësor. Nga Këshilli Gjyqësor u kërkua të shqyrtojnë të gjitha lëndët dhe shkresat e Ministrisë së Drejtësisë, që i janë dërguar në një kohë sa më të shkurtë të mundur.

Bashkëpunimi institucional i Ministrisë së Drejtësisë dhe Këshillit Gjyqësor, do të intensifikohet edhe në periudhën e ardhshme përmes bashkëpunimit të ndërsjellët dhe projekteve, për të rikthyer besimin e qytetarëve në sistemin e gjyqësorit.

Këshilli Gjyqësor i Maqedonisë së Veriut me 3 janar ktheu në pozitën e kryetares Vesna Dameva, e cila u shkarkua më 26 prill me vetëm shtatë vota pro, pas çka Këshilli Gjyqësor pati dy përpjekje të pasuksesshme për të zgjedhur kryetarin e ri. Këshilli Gjyqësor më 4 maj, në seancën pas orarit të punës, të cilin e njoftoi në ueb-faqen e tij pak para fillimit, me tetë vota për kryetar të ri zgjodhi Sashko Georgiev.

Para kësaj, këshilli mbajti dy seanca të fshehta, në të parën votoi tërheqjen e vendimit fillestar për shkarkimin e Damevës dhe më pas, ka votuar mosbesimin dhe e ka shkarkuar. Vendimet për mbajtjen e seancave të mbyllura nga Këshilli Gjyqësor u arsyetuan me një dispozitë të ligjit që parashikon se publiku mund të përjashtohet për të mbrojtur reputacionin dhe integritetin e gjyqtarit ose kandidatit për gjyqtar.

lajmet e fundit

Filmi kosovar në garë për çmimin ndërkombëtar

Filmi “Krahët e punëtorëve” i regjisorit Ilir Hasanaj ka hyrë në garë për nominim për Çmimin Evropian të Filmit (European Short Award). Filmi është...

Fetai: Brenda 6 muajve të qeverisë, Mickoski do ta prezantojë propozimin për realizimin e ndryshimeve kushtetuese

Arben Fetai tha se ndryshimet kushtetuese janë të patjetërsueshme por shtoi se, e kanë thënë edhe gjatë fushatës se duhet pritur një periudhë 6...

Ndërron jetë gazetarja nga Shkupi

Njoftohen të gjithë të afërmit, miqtë dhe kolegët se Aneta Gjoshevska ka ndërruar jetë dje vonë pasdite. Aneta Gjoshevska ka lindur në Shkup në...

Kërcënoi nënën, arrestohet një person në Tetovë

Më datë 24.07.2024 në ora 20:20, zyrtarë policorë nga SPB-Tetovë kanë privuar nga liria personin B.A. nga Tetova, i cili është denoncuar nga nëna...

Bastisje në Veles, ndalohet një person për tregti me lëndë narkotike

MPB Maqedoni njofton se dje (24.07.2024) në ora 14.25 në Veles, zyrtarë policorë nga Seksioni për trafikim të paligjshëm të narkotikëve në SPB Veles,...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu