Në orët e vona të natës, gjatë transmetimit live të emisionit “Teski Muhabeti” në mediumin INFOMAX, ka ndodhur një incident i rëndë. Një person ka hyrë me forcë në objekt, duke thyer dyert e redaksisë dhe më pas ka sulmuar fizikisht gazetarët, teknikun, si dhe ish-kryetarin e Komunës së Karposhit, Stevçe Jakimovski, i cili po merrte pjesë në emision.
Sipas stafit të emisionit, programi ka vazhduar deri në orët e mëngjesit, ndërsa është konfirmuar se autori i sulmit është arrestuar nga policia.
Gjatë transmetimit, ekipi i INFOMAX-it bëri të ditur se sulmuesi kishte kërcënuar dhe fyer rëndë, duke u drejtuar me fjalët:
“Kush jeni ju që të shani Kryeministrin Mickoski?”
Policia pritet të publikojë detaje shtesë mbi motivet dhe identitetin e personit të arrestuar.