Të pabaza i vlerëson deklaratat e Kryeministrit Hristijan Mickoski për destabilizimin e vendit, Profesori Universitar, Nano Ruzhin.
Sipas tij, BDI është parti e pjekur politikisht dhe e orientuar drejt kërkesave që i lejon Kushtetuta.
Profesori Ruzhin i quan veprime të natyrshme dhe në suaza të “betejës” politike presionet e integristëve për mospjesëmarrje në Qeveri duke vlerësuar se nuk do të përshkallëzohen në situata alarmante.
“Mendoj se BDI është ende një parti politike e pjekur dhe se ata vetë kanë thënë se do të kërkojnë atë që e lejon kushtetuta. Fakti është se nga akti i mospjesëmarrjes në qeveri dhe ushtrimit të presionit në një farë mënyre, por siç e kemi parë deri tani dhe shpresoj në vjeshtë, ato presione do të jenë më shumë në suaza të asaj që është e rregullt, në kuadër të betejës politike dhe jemi mësuar me demokracinë, me protesta të mëdha e ngjarje në rrugë, qoftë edhe me grindje të vogla, por mendoj se sigurisht që nuk do të shkaktojë asnjë konflikt ndëretnik dhe as destabilizimin e shtetit”, deklaroi Ruzhin.
Analisti politik Mersel Bilalli ka theksuar se nevoja e qeverisë aktuale për të menaxhuar mendimin publik është një çështje kyçe, duke u munduar të fokusojë vëmendjen e publikut në tema të tjera për të mbajtur qetësi dhe për të menaxhuar situatën e brendshme.
“Sic na kujtohet para kampanjës dhe gjatë kampanjës, ne kishim konstatime të atilla të VMRO-DPMNE-së se realisht do të heq dorë nga dy marrëveshjet, ajo me Greqinë për emrin dhe ajo me Bullgarinë. Kështu që, tash ndeshen me realitetin dhe se ajo cështje është kapje e pamundnshme dhe duket se rrethanat ndërkombëtare e bëjnë që praktikisht ai të fillon të akcepton ato, pra ishte një mashtrim”, deklaroi Bilalli.
Ndryshe kryeministri Mickoski me javë të tëra nuk heq dorë nga tema e skenareve të destabilizimit në vend duke përsëritur se ish – funksionarë të pushtetit të kaluar janë duke punuar në destabilizimin e vendit dhe nxitjen e temave dhe tensioneve ndëretnike në vend. /tvklan.mk