Katër pjesëtarë të Njësitit për Intervenime të Shpejta pranë Ministrisë së Punëve të Brendshme të Maqedonisë së Veriut, me iniciale I.S., I.S., A.K. dhe R.K., janë përfshirë në një skandal gjatë qëndrimit të tyre në Kosovë.
Këta zyrtarë policorë, gjatë një vizite në një restorant në Shtërpcë – komunë e banuar kryesisht me serbë, kanë bërë shenjen me tre gishta, simbol i njohur si shenjë nacionaliste serbe, dhe kanë shkruar mbishkrimin “Kosova është zemra e Serbisë”.
Ky veprim i tyre, i publikuar në rrjetet sociale, ka ngjallur reagime të ashpra, pasi pjesëtarët e policisë janë të obliguar të jenë shembull i sjelljes dhe profesionalizmit, jo nxitës të gjuhës së urrejtjes apo përçarjeve etnike.
Deri më tani nuk dihet nëse Kontrolli i Brendshëm i MPB-së ka ndërmarrë masa disiplinore ndaj tyre.
Ngjarja vjen vetëm pak javë pas rasteve të tjera ku policë shqiptarë janë ndëshkuar për arsye shumë më të vogla: një u pezullua pasi në Gjermabi ishte fotografuar me flamurin e “Shqipërisë së Madhe”, ndërsa një tjetër u pezullua për shenjën e shqiponjës që e kishte bërë me duar.
Ky standard i dyfishtë ka hapur debat publik mbi trajtimin e pabarabartë të pjesëtarëve të komuniteteve etnike në institucione, si dhe mbi mungesën e reagimit të drejtë institucional ndaj provokimeve që ofendojnë ndjenjat e shumicës shqiptare në rajon.nje titull
Skandal në Shtërpcë: Policë të Njësitit Special nga Maqedonia e Veriut bëjnë shenjën serbe dhe shkruajnë “Kosova është zemra e Serbisë”
