Një skandal ka përfshirë familjen mbretërore norvegjeze, me në qendër princin Marius Borg Hojby.
28-vjeçari akuzohet për plot 23 vepra penale, mes tyre edhe 3 rast për përdhunim. Djali i Princeshës së Kurorës Mette-Marit nga një marrëdhënie e mëparshme, u vu nën hetim policor pas arrestimit të tij më 4 gusht 2024, me arsyetimin e një sulmi ndaj partneres që kishte asokohe.
Sipas policisë, më pas u dhanë dëshmi të mëtejshme, duke çuar në zgjerimin e hetimit dhe ngritjen e akuzave shtesë. Deri më tani, nuk është lëshuar asnjë deklaratë zyrtare nga familja mbretërore apo vetë i pandehuri.