Nga data 15 dhjetor deri më 15 janar, më shumë se 650 produkte do të jenë më të lira me 10 për qind e më shumë si pjesë e të ashtuquajturës shporta e Vitit të Ri.
Produktet që do të jenë më të lira i kanë ofruar prodhuesit dhe tregtarët, si rezultat i analizës se cilat produkte blihen më shpesh gjatë Vitit të Ri dhe festave të tjera. Kështu u dakorduan sot me konsensus qeveria, tregtarët, distributorët dhe sindikatat dhe odat ekonomike, njoftuan kryeministri Hristijan Mickoski dhe ministri i ekonomisë Besar Durmishi.
Gjatë kësaj periudhe nuk do të ketë gjoba sepse ulja e çmimit të këtyre produkteve është propozim i kompanive. Kontrolli do të bëhet nga qytetarët.
“Ne bëmë diçka që ndoshta nuk është bërë kurrë më parë – biseduam të gjithë së bashku për një kohë dhe gjatë atyre bisedimeve arritëm në një kompromis. Të gjithë jemi pajtuar që në periudhën nga 15 dhjetori deri më 15 janar do të zvogëlohen çmimet e më shumë se 600 artikujve dhe do të markohen me afishe ku do të shkruhet “Më pak shpenzime, më shumë për ju, ne kujdesemi” – tha Mickoski.
Fillimisht në aksion marrin pjesë 60 kompani, por deri më 15 janar është i hapur për pjesëmarrje të kompanive dhe produkteve të tjera.
Produktet që do të kenë një çmim të reduktuar me 10% do të kenë një etiketë të veçantë.
Mickoski tha se nuk pret që kompanitë pjesëmarrëse në aksion t’i rrisin çmimet para fillimit të aksionit, e pastaj t’i ulin për 10 për qind, por paralajmëroi se inspektorati shtetëror i tregut do t’i kontrollojë çmimet aktuale me çmimet që do të shpallen gjatë aksionit.
Por nëse do të ketë manipulime, tregtarët do të paralajmërohen, nëse tregtarët nuk veprojnë me etikë, do të përdoren mjete të tjera.
Ministri i Ekonomisë tha se shporta e Vitit të Ri është negociuar prej më shumë se një muaji dhe produktet me çmime të reduktuara do të publikohen në faqen e internetit.
“Janë të mbuluara 650 produkte të propozuara nga prodhuesit, distributorët dhe tregtarët. Produktet që konsumohen për këto festa janë të mbuluara, duke përfshirë bukën, brumërat, drithërat, mishin, frutat dhe perimet e freskëta dhe të ngrira” – tha Bekteshi
Është kjo masa e dytë e qeverisë për uljen e çmimeve të produkteve ushqimore brenda gjashtë muajve.