Sipas zhvillimeve të fundit dhe konkluzionit të Progres Raportit të BE-së disa javë më parë, Severnistani nuk i ka plotësuar kushtet për hapjen e negociatave, por ka ngelur në vend që nga 2022, kur vetoja bullgare kërkoi kushtet e saj dhe deri më sot nuk ka bërë asnjë hap përpara, për shkak të mendësisë nacionaliste të qeverisë autoritariste të premierit Micko, nga frika e rreziku të zhbërjes së identitetit kombëtar dhe gjuhës së tyre të kërcënuar nga fqinji bullgar.
Për qeverinë e koalicionit ndryshimet kushtetuese nuk janë zgjidhje për “državën” pasi siç pretendon despoti Micko, 20% nuk është pjesë e agjendës nëse një ditë do ketë iniciativë për ndryshimet kushtetuese.
Dhe këtu papërgjegjshmëria bie mbi servilët shqiptarë të qeverisë së koalicionit, të cilët nuk kanë guxim t’i kërkojnë despotit të tyre që në rastin e parë kur do të vendosin për ndryshimet kushtetuese, të hiqet nofka e poshtërimit të identitetin tonë gjuhësor 20%, megjithse kanë premtuar se ky denigrim do të shlyhej brenda 6 muajve të parë të qeverisë së koalicionit.
Në këtë rast bullgarët treguan treguan shenja pjekurie dhe solidariteti me pakicën e tyre për te drejtat e pakicave dhe pjesemarrjen e bullgarëve ne preambulën e kushtetutës së Severnistanit.
Nga ana tjetër, partiçkat tona pa përjashtim nuk janë kujtuar se në preambulën e kushtetutës ata bëjnë pjesë në menyrë të turpshme në “thesin e pakicave” si turqit, romët, boshnjakët, serbët et., megjithse shqiptarët janë mbi 30% e popullsisë së vendit!
A i kanë shërbyer partiçkat shqiptare kombit të cilit i përkasin apo pusht-shtetit, që nuk e njeh identitetin gjuhësor dhe kombëtar të popullit shqiptar në kushtetutë që prej dy dekadash, ku po këta partiçka të ashtuquajtura shqiptare vazhdojnë ta genjejnë opinionin shqiptar se gjuha shqipe dhe statusi politik qënkësh i barabartë me maqedonishten?
Kushtetuta, si rregullator i ligjeve dhe shtetit të së drejtës, nuk përfaqëson përbërjen etnike ne državën e Severnistanit, por mbron dhe ruan supremacinë e pushtetit dhe të shtetit vetëm për maqedonët e Mickos dhe të Filipçes.
Medai Shaholli