Reagime të shumta pas deklaratës së kryeministrit Hristijan Mickoski se është i zhgënjyer që në festën e Ditës së flamurit në Strugë nuk ishte vendosur flamuri shtetëror.
“Ndoshta është gabim i tij, sepse në disa vende kishte. Gabim i tij është. Në disa vende kishte edhe flamur shtetëror edhe shqiptar. Këtu pranë Drinit ishte gjithçka me flamuj shqiptarë nga të dyja anët. Kishte flamuj shtetëror pranë komunës. Unë jam 74 vjeç, dikur uleshim në një tavolinë romë, shqiptarë, maqedonas, turq, vllahë, të gjithë bashkë, tani shoh që nuk është më e njëjta”, u shpreh një qytetar.
“Nuk mund tani shqiptarët të thonë se janë maqedonas ose maqedonasit të thonë se janë shqiptarë. Të drejtën e flamurit do ta ketë secili. Ky është ligji, kjo është demokracia, nuk ka lojëra e as intriga”, tha një tjetër qytetar.
Mickoski tha se kryetari i komunës kishte mundësi të shquhej si kryetar mbipartiak, kryetar i të gjithë qytetarëve, por nuk e bëri këtë.