Gazetari dhe botuesi i gazetës KOHA, Arben Ratkoceri, në një status në Facebook, të shoqëruar me video, ka sqaruar se çfarë në fakt është, sipas tij, “Bota serbe”.
Postimi i plotë i gazetarit Ratkoceri:
Ja çka është “Bota serbe”! Hiç më larg se të dielën, në rajonin e Shtipit shënohet 111-vjetori i pushtimit të Maqedonisë nga ushtria serbe pas luftës me bullgarët – e njohur si Beteja e Bregallnicës. Ironia është se ky manifestim është organizuar me përkrahje shtetërore të Maqedonisë dhe Serbisë. Kjo është pjesë e “Botës serbe” me zë e figurë në mes të Maqedonisë me përkrahje inatitucionale.
Imagjinoni çfarë do të ndodhte nëse shqiptarët, madje edhe privatisht të shënonin çlirimin e Shkupit nga kosovarët më 13 gushtit 1912 të prirë nga Isa Boletini, Bajram Curri e Hasan Prishtina. I njëjti reagim i ashpër do ishte edhe shënimi i ndonjë date nga bullgarët, sepse si për këta, por edhe çlirimi i Shkupit nga kryengritësit kosovarë, historiografia maqedone e konsideron “pushtim nga shqiptarët”.
Pra, ngjarjet serbe të kësaj periudhe zyrtarisht shënohen bashkë me autoritetet serbe, ndërsa ato shqiptare apo bullgare masakrohen!
P.S. Paramandoni flaka nga reagimet do i dilte Maqedonisë nëse një tog e FSK-së apo e ushtrisë shqiptare do vinte për të shënuar çlirimin e Shkupit të 1912 nga shqiptarët, njejtë si ushtria serbe që ishte të dielen në Shtip si trashëgimtare e ushtrisë pushtuese serbe të para 111 viteve!