Rasti “Panda”plot 25 vjete, Kurti: Sikur krimet ndaj shqiptarëve, Serbia po e fsheh të vërtetën edhe për serbët

Kryeministri i vendit, Albin Kurti, ka kujtuar 25 vjetorin e sulmit terrorist të Serbisë në lokalin “Panda” në Pejë, ku autoritetet serbe patën inskenuar vrasjen e të rinjve serbë.

Kurti tha se Serbia i vrau gjashtë të rinj serbë të moshave 14, 16, 17, 18 dhe 24 vjeç, në përpjekje të regjimit të Millosheviqit për të justifikuar spastrimin etnik dhe gjenocidin në Kosovë.

“Pas këtij rasti, më shumë se 150 shqiptarë u arrestuan në Pejë. Më 17 dhjetor 1998, u arrestuan edhe Agron Kollçaku, Behar Bajri, Beqir Loxha, Gazmend Bajrami, Vllaznim Pergjegjaj dhe Xhevdet Bajrami. Më i madhi prej tyre ishe 22 vjeç, ndërsa më i riu 17”.

“Ata u burgosën në Pejë, ku u torturuan në mënyra ҫnjerëzore. Në qershor 1999, me rreth 400 të burgosur të tjerë, u dërguan në burg në Leskovc të Serbisë. Në nëntor 1999, gjykata në Serbi i shpalli të gjashtit të pafajshëm. Ata u dënuan me nga një vit burg për shkelje të rendit publik. Një muaj më pas, me ndërmjetësimin e organizatave ndërkombëtare, pesë nga ta u liruan. Behar Bajri u mbajt në burg deri më 6 dhjetor 2000”, shkroi Kurti, transmeton Klankosova.tv.

Më tej, ai tha se përderisa të rinjtë shqiptarë të burgosur padrejtësisht ende i vuajnë pasojat e torturave brenda burgjeve serbe, në Serbi ende askush s’është dënuar për rastin “Panda”.

“Prindërit e të vrarëve kanë kërkuar që Presidenti i Serbisë, Aleksandar Vuçiq, të dëshmojë lidhur me deklaratat e tij. Ai kishte thënë se “krimi në “Panda” nuk është bërë nga shqiptarët””.

“Shteti i Serbisë vazhdon të fshehë të vërtetën për vrasjen e të rinjve serb edhe pas një ҫerek shekulli. Sikurse vazhdon të mos pranojë krimet e kryera ndaj shqiptarëve gjatë luftës 1998-99”, shkroi tutje Kurti.

Kreu i qeverisë tha se heshtja e autoriteteve serbe flet për mendësinë e pandryshuar politike të Serbisë karshi Kosovës dhe dëshmon për lidhjen e ngushtë mes mosnjohjes së të kaluarës kriminale dhe pavarësisë së Kosovës.

REKLAMË

REKLAMË

lajmet e fundit

Dogana ia sekuestron Mozzikut dy orat luksoze: Richard Mille dhe një Rolex, me vlerë totale 1.340.027,50 euro

Dogana e Kosovës ka dal me njoftim për ndalimin e reperit Mozzik në Aeroportin Ndërkombëtar “Adem Jashari”. Në njoftim thuhet se janë zbuluar dhe...

BE e shqetësuar për gjendjen e sundimit të ligjit në Shqipëri, Serbi, Mal të Zi dhe Maqedoni të Veriut

Komisionarja për Zgjerim e Bashkimit Evropian (BE), Marta Kos, ka thënë të martën se blloku mbetet i shqetësuar për gjendjen e sundimit të ligjit...

Presidenti sirian: Negociatat e sigurisë me Izraelin mund të sjellin rezultate së shpejti

Edhe pse nuk dha detaje konkrete mbi përmbajtjen e negociatave, presidenti sirian la të kuptohet se një hap i parë drejt një marrëveshjeje mund...

Pse Rugova e Bukoshi jo, por Thaçi? Williams: Pa UÇK-në, negociatat do të ishin thjesht “Potemkin” – ishin dimensioni kyç

Paul Williams, avokati ndërkombëtar dhe këshilltari ligjor i delegacionit shqiptar në Rambuje duke u marrë në pyetje nga trupi gjykues në Dhomat e Specializuara...

Nga progresi te stagnimi: Shqipëria afër hapjes së të gjithë kapitujve, Shkupi me derë të mbyllur

Shqipëria po shënon ritme të shpejta në rrugën e saj drejt Bashkimit Evropian, duke u shndërruar në vendin më dinamik të Ballkanit Perëndimor në...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu