Në Mitrovicë të Veriut janë dëgjuar të paktën tri shpërthime, në orët e pasmesnatës.
Qytetarë të Mitrovicës së Veriut kanë thënë për Albanian Post se shpërthimet kanë qenë të fuqishme, dhe se kanë shkaktuar shqetësim tek banorët e kësaj zone.
Siç raportohet, mjetet që janë përdorur kanë qenë granata dore.
AP ka tentuar që të kontaktojë me Policinë e Kosovës, mirëpo të njëjtit deri më tani ende nuk kanë kthyer përgjigje.
Në zonat ku është dëgjuar shpërthimet, siç thonë burimet e AP-së, kanë dalë trupat e KFOR-it.