Në Hajde Flasim në TV21, kadidati i pavarur për komunën e Strugës, Mendi Qyra i tha kundërkandidatit të tij, Arsim Dalipit, se drejtorët të cilët edhe janë pjesë e shtabit po kërkojnë vota në fshatra në këmbim me rregullimin e ujit, që sipas Qyrës është absurde. Por Dalipi tha se është fushatë dhe se gjithçka është zyrtare, ndërkohë që i tha kundërkandidatit që nuk është e ndershme asfaltimi i rrugëve në kohë fushate.
“I ke tre drejtorët të cilët janë në shtabin tënd të cilët shkojnë në fshatra dhe kërkojnë votën për të rregullu ujin. A nuk është absurde”, tha Qyra.
“Jemi në fushatë, zyrtare është gjithçka. Ata janë drejtorë aktual dhe unë nuk kam as kompetencën akoma që të bëjë ndryshim drejtorësh. Unë jam kandidat i AKI-së, unë e them shumë ndershëm dhe shumë qartë. Ju duhet t’i ndani qëndrimet. Mos të hymë ashtu se do të dale se ne kërkojmë votën ndershmërisht në një fushatë zyrtare, për dallim nga shumë veprime tuajat. Se nuk është e ndershme, blerja e mediumeve lokale apo asfaltimi i rrugëve në kohë fushate, dihet për çfarë arsye”, tha Dalipi.
E mohoi Dalipi, që siç tha, ai ndër vite ka investuar në Strugë dhe se investimet e tij janë në të mirë të qytetarëve.
“Nuk është e vërtetë ajo. Kam investuar në Strugë25 vite, 30 vite me radhë dhe vazhdojë të investojë. Kam investuar. Ura mbi Drinin nuk është privat, ia kam dhënë komunës, festivalet që i sponsorojë nuk janë private, janë të të gjithëve. Klubi futbollistik edhe pse e financojë, është i gjithë Strugës”, deklaroi Qyra./TV21