PZAP refuzon ankesat e LVV-së për anulimin dhe përsëritjen e votimit jashtë vendit

Paneli Zgjedhor për Ankesa dhe Parashtresa (PZAP) ka refuzuar si të pasafatshme ankesën e Lëvizjes Vetëvendosje për anulimin dhe përsëritjen e votimit jashtë vendit.

Sipas vendimit të PZAP-së, LVV kishte pretenduar se më 5 mars 2025, gjatë përmbylljes së numërimit dhe rinumërimit të votave, vëzhguesit dhe komisionerët e saj kishin konstatuar parregullsi të shumta.

Në ankesën e dorëzuar, LVV ka theksuar se rreth 1,700 persona në listën e votuesve jashtë vendit ishin regjistruar me e-mail adresa të përdorura më shumë se katër herë, në disa raste deri në 22 herë.

PZAP ka sqaruar se ankesa është shpallur e pasafatshme, pasi LVV kishte mundësi të paraqiste këtë shqetësim në momentin kur e kishte konstatuar shkeljen.

Gjithashtu, sa i përket listës së votuesve, PZAP thekson se LVV nuk ka dorëzuar ndonjë ankesë që nga certifikimi i saj në janar, duke humbur kështu afatet ligjore.

Ndërkohë, më 4 mars 2025, Komisioni Qendror i Zgjedhjeve (KQZ) ka përfunduar numërimin e votave të ardhura me postë nga jashtë Kosovës.

Sipas të dhënave të publikuara në platformën zyrtare, rezultatet tregojnë se Vetëvendosje ka marrë shumicën e votave nga diaspora me 51.57% (31,963 vota), e ndjekur nga LDK me 30.55% (18,933 vota), PDK me 9.48% (5,878 vota) dhe koalicioni AAK-Nisma me 3.23% (2,000 vota).

Votimi nga diaspora është realizuar në dy forma: përmes postës dhe me votim fizik në ambasada e konsullata.

Nga 104,924 shtetas të regjistruar për votim jashtë vendit, 84,600 kanë zgjedhur të votojnë me postë, ndërsa 20,324 me votim fizik në përfaqësitë diplomatike.

Zgjedhjet parlamentare të 9 shkurtit 2025 ishin të gjashtat që nga shpallja e Pavarësisë së Kosovës më 17 shkurt 2008.

REKLAMË

REKLAMË

lajmet e fundit

Foto e shpërndarë nga takimet elektorale bëhet mollë sherri mes rivalëve politikë

Një fotografi dhe video e publikuar nga kandidati për kryetar të komunës së Çairit, Bujar Osmani, ka ngjallur reagime dhe polemika në rrjete sociale. 🟢...

Republika Islamike pranë rënies në Iran, luftë civile e mundshme pas shkatërrimit të kapaciteteve bërthamore nga SHBA-të dhe Izrael

Regjimi aktual iranian "mbetet i lidhur me revolucionin iranian", sipas raportit Erërat e ndryshimit mund të fryjnë së shpejti mbi Iranin, sipas një raporti të...

Beogradi dhe Manastiri të rrezikshëm për shqiptarët!

Nga:Medai Shaholli Prej kohësh Beogradi dhe Manastiri janë bërë dy qendra të rrezikshëm për praninë e shqiptarëve në këto qytete që në momentin e parë...

Mbështetje nga larg, forcë për vendlindjen: Struga në qendër të Vjenës

Diaspora në Vjenë jep mbështetje për kandidatin për komunën e Strugës, Dr. Arsim Dalipi 🇦🇹 Në Vienë të Austrisë u zhvillua një takim i diasporës...

NË ÇAMËRI DHE PLOT 4 ORË NË KOMISARIATIN E IGUMENICËS

Nga:Xhuljano Fejzulla Vjet, për pushime, të cilat si çdo vit i kaloj në Shqipëri, shkova për herë të.parë në Kllogjer, ku së bashku me djalin...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu