Një protestë madhështore u mbajt sot në Shkup në mbështetje të ish-krerëve të UÇK-së që po gjykohen në Gjykatën Speciale. Qindra qytetarë nga të gjitha trojet shqiptare u mblodhën për të kërkuar drejtësi dhe barazi për luftën çlirimtare.
Në protestë morën pjesë figura të njohura politike dhe publike, përfshirë Fatmir Limajn, Hysni Gucatin, Ali Ahmetin, si dhe vëllain e ish-presidentit Hashim Thaçi, duke dhënë mesazhin e një uniteti kombëtar përtej ndarjeve politike.
Kjo protestë vjen si vazhdim i një zinxhiri protestash që janë mbajtur më herët në Prishtinë, Tiranë, Hagë dhe Strasburg, duke dëshmuar se çështja e ish-krerëve të UÇK-së mbetet një kauzë mbarëkombëtare.
Pavarësisht dallimeve politike, Shkupi sot bashkoi shqiptarët, të cilët kërkuan drejtësi, transparencë dhe respekt për luftën çlirimtare të UÇK-së.