Projekti i “Jahja Pashës” vetëm në letër – Ganiu: Qyteti i Shkupit dhe Ministria e Financave bllokojnë projektin!

Një vit na ndanë nga zgjedhjet e radhës lokale, në fushatën parazgjedhore të të cilave Qyteti i Shkupit dhe Komuna e Çairit kishin premtuar se do të realizonin projektin për zgjerimin e bulevardit “Cvetan Dimov”.

Sot aty ende nuk ka ndryshuar asgjë, është po e njëjta rrëmujë.

Sipas premtimeve duhet të ishte pranë përfundimit faza e parë ajo e shpronësimit dhe rrënimit të objekteve, por nuk është hedhur asnjë hap. Kryetari i Komunës së Çairit, Visar Ganiu, tha për Klan Maqedoni se projekti ka stagnuar për shkak të Ministrisë së Financave dhe Qytetit të Shkupit, duke ngritur dyshimet se ka pasur një koordinim mes këtyre dy institucioneve për të bllokuar projektin.

“Mirëpo aty u bllokua çdo gjë nga Qyteti I Shkupit. Arsyeja e zonjës Arsovska, asnjëherë nuk na ka informuar më shkrim zyrtarisht, përveç se në një television nacional në një intervistë kur e kanë pyetur se përse u ndal projekti I “ Jahja Pashës”, ajo u përgjigj se Qyteti i Shkupit ka humbur një rast gjyqësor ku është dashur të paguhen penale dhe se mjetet që janë paraparë për këtë boulevard, me njëfarë algoritmi që funksionon në Ministrinë e Financave, kjo e fundit e ka parë të arsyeshme që nga aty t’i marrë mjetet financiare dhe s ka pasur mjete për të vazhduar si projekt. Kemi kërkuar nga Ministri i Financave, Fatmir Besimi, sqarim se përse i kanë marr mjetet pikërisht prej aty, por s’kemi përgjigje. Unë jam I bindur se punimet duhet të fillojnë këtë mandat”, tha Visar Ganiu.

Projekti parashikonte që faza e parë të përfundonte brenda dy vitesh, por i njëjti as që ka nisur dhe askush nuk po e zgjidh këtë rrëmujë të krijuar nga vet institucionet.

“Dërguam pyetje konkrete ne Qytetin e Shkupit se a do ta bllokojnë projektin për Bulevardin “ Cvetan Dimov”, duke qenë se Qyteti i Shkupit është ura lidhëse mes pushtetit ekzekutiv, që do të drejtohet nga VMRO-DPMNE, dhe Komunës së Çairit. Parashtrohet pyetja edhe sa kohë qytetarët e Komunës së Çairit do të jenë dëm kolateral i politikave në vend?”, tha gazetarja Evi Shkopi.

Nga Qyteti i Shkupit thonë se për ta është e rëndësishme që projekti të realizohet, por pa hyrë në detaje nëse do të tejkalohen mosmarrëveshjet mes Danela Arsovskes dhe VMRO-DPMNE-së kur në pyetje janë çështje më të rëndësishme që prekin qytetarët.

“Projekti për bulevardin Cvetan Dimov është projekt të cilin qyteti i Shkupit ka filluar ta realizojë, për të cilin fatkeqësisht mjetet e ndara për ndërtim janë tërhequr nga një llogari nga një përmbarues për një mosmarrëveshje që menaxhmenti i mëparshëm i qytetit e ka filluar në vitin 2020 dhe e ka humbur. Këshilltarëve nga qyteti i Shkupit iu dha mundësia që me huazim të sigurojnë financim për realizimin e tij, gjë që nuk u pranua. Qyteti i Shkupit konsideron se realizimi i këtij projekti është i rëndësishëm dhe mund të realizohet efektivisht për lehtësimin e trafikut, nëse qeveria qendrore siguron mjete financiare për realizimin e tij”, thonë nga Qyteti i Shkupit.

Projekti parashikon një zgjidhje moderne për arterien kryesore të Komunës së Çairit me 6 korsi, nga 3 në secilin drejtim, trotuare, shtigje biçikletash, gjelbërim dhe ndriçim të ri përgjatë gjithë trasesë prej 1100 metrash./tvklan.mk

REKLAMË

REKLAMË

lajmet e fundit

Dogana ia sekuestron Mozzikut dy orat luksoze: Richard Mille dhe një Rolex, me vlerë totale 1.340.027,50 euro

Dogana e Kosovës ka dal me njoftim për ndalimin e reperit Mozzik në Aeroportin Ndërkombëtar “Adem Jashari”. Në njoftim thuhet se janë zbuluar dhe...

BE e shqetësuar për gjendjen e sundimit të ligjit në Shqipëri, Serbi, Mal të Zi dhe Maqedoni të Veriut

Komisionarja për Zgjerim e Bashkimit Evropian (BE), Marta Kos, ka thënë të martën se blloku mbetet i shqetësuar për gjendjen e sundimit të ligjit...

Presidenti sirian: Negociatat e sigurisë me Izraelin mund të sjellin rezultate së shpejti

Edhe pse nuk dha detaje konkrete mbi përmbajtjen e negociatave, presidenti sirian la të kuptohet se një hap i parë drejt një marrëveshjeje mund...

Pse Rugova e Bukoshi jo, por Thaçi? Williams: Pa UÇK-në, negociatat do të ishin thjesht “Potemkin” – ishin dimensioni kyç

Paul Williams, avokati ndërkombëtar dhe këshilltari ligjor i delegacionit shqiptar në Rambuje duke u marrë në pyetje nga trupi gjykues në Dhomat e Specializuara...

Nga progresi te stagnimi: Shqipëria afër hapjes së të gjithë kapitujve, Shkupi me derë të mbyllur

Shqipëria po shënon ritme të shpejta në rrugën e saj drejt Bashkimit Evropian, duke u shndërruar në vendin më dinamik të Ballkanit Perëndimor në...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu