Aleanca për Shqiptarët (ASH) ka mbajtur kuvendin e forumit të gruas në Kumanovë, ku për kryetare u zgjodh profesoresha e informatikës, Mirushe Bislimi-Destani.
Kuvendi i degës Forumit të Gruas me shumicë votash rizgjodhi profesoreshën kumanovare, e cila deri tani ka kryer këtë detyrë.
“Asambleja e Gruas në Aleancë për Shqiptarët mbetet shtëpia e vetme, që jep shpresë dhe mundësi për gruan dhe vajzën shqiptare”, thuhet në njoftimin e kësaj parti. Të pranishëm në Kuvend ishin nënkryetari i ASH-së, Elmi Aziri, sekretari i përgjithshëm, Krenar Lloga dhe kryetari i degës së ASH-së, Arsim Hasani.