Presidentja u takua me Papën e ri Leo XIV.
“Takimi i gjatë me Papën, mund të paramendoni se si duket një bisedë me një matematikan, filozof dhe udhëheqës shpirtëror. Diçka e mrekullueshme”, tha presidentja Gordana Siljanovska Davkova.
Presidentja theksoi se në këtë kohë të pasigurisë dhe ndarjes së madhe në botë, janë të domosdoshme fjalët e tij për paqe të përhershme. Ata u pajtuan se në botë duhet të ndodhin reforma në KB dhe përfshirjen e tyre në zgjidhjen e problemeve por edhe rishqyrtimi i rrugës që kanë zgjedhur shumë nga politikanët.
“Mendoj se Papa është njeriu i vërtetë në vendin e vërtetë, jo vetëm erudit por edhe njeriu tek i cili mund të kesh besim. Njeri i cili e di si të bisedojë dhe të ndihmojë”, u shpreh presidentja Gordana Siljanovska Davkova.
Në takim tradicionalisht shkëmbyen dhurata.
“Papa më dha, nuk e di se çfarë materiali ishte, një grua të bukur… Një simbol drejtësie, një simbol të paanësisë me besimin se gratë mund të bëjnë shumë në botë. Ai e di edhe profesionin tim. I dhashë… një gdhendje të bukur në dru me një hardhi dhe rrush, diçka që gjendet në të gjitha kishat tona, diçka që simbolizon pjellorinë”, potencoi presidentja Gordana Siljanovska Davkova.
Presidentja konstatoi se të dy shtetet kanë lidhje të pathyeshme historike përmes betimit të shenjtërores dhe shkupjanes, Nënë Tereza.