Në orët e pasdites në Tetovë janë dëgjuar të shtëna nga armët e zjarrit që vinin nga hapësirat e Qendrës Urgjente, duke rezultuar me plagosjen e dy personave nga fshati Gajre, transmeton in7.info.
“Sot rreth orës 18:05 në SPB Tetovë është raportuar se para hyrjes në Qendrën Urgjente në Spitalin Klinik të Tetovës janë qëlluar me armë zjarri dy persona nga fshati Gajre i Tetovës, të cilët kanë pësuar lëndime me armë zjarri”, raportoi Policia e Maqedonisë së Veriut.
Raportohet që në vendin e ngjarjes janë paraqitur punonjësit e policisë dhe prokurorisë publike.
“Po ndërmerren masa për gjetjen e pesë personave të dyshuar në lidhje me rastin. Ndryshe, këtij rasti sot i ka paraprirë edhe një përleshje fizike mes njërit prej të plagosurve dhe njërit prej të dyshuarve për pjesëmarrje në të shtëna me armë zjarri”, sqaruan nga Policia.