Policia Financiare të hënën do të hyjë në Qytetin e Shkupit në lidhje me prokurimin e stolive për Vitin e Ri, transmeton TV21. Kryetarja e qytetit, Danela Arsovska, informoi se dekorimi i kryeqytetit do të kushtojë 30 mijë euro, shumë më pak në krahasim me vitet tjera.
Pas komenteve në opinion për dekorimin e Vitit të Ri në Shkup dhe reagimeve se nuk është shpallur tender, Qyteti i Shkupit ka dalë me informacione se dekorimi i sheshit të qytetit, rrugëve kryesore dhe pazarit të Vitit të Ri është financuar përmes një thirrje publike, e cila është publikuar në përputhje me aktet dhe rregulloret si të gjitha thirrjet e tjera publike.
Në ndërkohë, ish-kryetari i qytetit të Shkupit, Petre Shilegov përmes një statusi në Facebook ka kërkuar dorëheqjen e kryetares Arsovska. Sipas tij, Shkupi është në proces të shkatërrimit të plotë dhe sugjeron që në pranverë të ketë zgjedhje edhe për Shkupin.