Pluhuri i hënës, i cili është konsideruar nga shkencëtarët ‘më i rrallë se ari’ mbërrin në Mbretërinë e Bashkuar nga Kina. Brenda kokrrizave të pluhurit mund të ketë prova që mbështesin teorinë e shkencëtarëve se Hëna u krijua nga mbeturinat e hedhura kur Toka goditi një planet me madhësinë e Marsit 4.5 miliardë vjet më parë.
PLUHURI I HËNËS! Kina i dorëzon Mbretërisë së
Mostrat e para të shkëmbit hënor të sjellë në Tokë në gati 50 vjet kanë mbërritur në Mbretërinë e Bashkuar të huazuara nga Kina.
Kokrrat e vogla të pluhurit tani janë të mbyllura brenda një kasaforte në një strukturë të sigurisë së lartë në Milton Keynes – ne na u dha mundësia t’i shihnim për herë të parë.
INDI-PAKISTAN, SHBA E DISTANCUAR! JD Vance: Nuk do të ndërhyjë në përplasjen ushtarake
Profesori Mahesh Anand është i vetmi shkencëtar në Mbretërinë e Bashkuar të cilit i është huazuar ky material jashtëzakonisht i rrallë, të cilin ai e përshkruan si “më të çmuar se pluhuri i arit”.
“Askush në botë nuk kishte qasje në mostrat e Kinës, kështu që ky është një nder i madh dhe një privilegj i madh”, thotë ai.
Pas bluarjes dhe shkatërrimit të pluhurit me lazer, ekipi i Prof. Anand shpreson t’u përgjigjet pyetjeve themelore rreth formimit të Hënës dhe viteve të para të planetit Tokë.
Brenda kokrrizave të pluhurit mund të ketë prova që mbështesin teorinë e shkencëtarëve se Hëna u krijua nga mbeturinat e hedhura kur Toka goditi një planet me madhësinë e Marsit 4.5 miliardë vjet më parë.
Kina i mblodhi shkëmbinjtë në misionin e saj hapësinor Chang’e 5 në vitin 2020, kur ai u ul në një zonë vullkanike të quajtur Mons Rümker.
Një krah robotik shpoi tokën për të mbledhur 2 kg material, i cili u soll përsëri në Tokë në një kapsulë që zbarkoi në Mongolinë e Brendshme.
Qindra tërmete në ditë, vullkani nënujor Axial Seamount gati të shpërthejë
Ishte marrja e parë e suksesshme e mostrave hënore që nga një mision sovjetik në vitin 1976 dhe e katapultoi Kinën në një pozicion udhëheqës në garën e re hapësinore.
Tani, duke ndjekur një traditë të gjatë bashkëpunimi global midis shkencëtarëve të hapësirës, Kina për herë të parë u ka dhënë shtatë studiuesve ndërkombëtarë mostra për të bërë zbulime të reja.
Shishet e vogla iu dorëzuan Profesor Anand në një ceremoni madhështore në Pekin javën e kaluar, ku ai takoi kolegë nga Rusia, Japonia, Pakistani dhe Evropa.
“Ishte pothuajse si një univers paralel – dhe Kina është shumë përpara nesh për sa i përket investimeve të saj në programet hapësinore”, tha ai.
Ai u kthye në Mbretërinë e Bashkuar me ngarkesën e çmuar në vendin më të sigurt që mund të mendonte – bagazhin e dorës.
Hëna e plotë e majit: Cilat shenja të zodiakut preken më shumë?
Një ekip ndërkombëtar shkencëtarësh beson se pluhuri i hënës mund të përdoret për të mbrojtur Tokën nga ndryshimet klimatike.