Në një reagim të fortë dhe me tone përçmuese ndaj liderit të BDI-së, Ali Ahmeti, politikani maqedonas dhe udhëheqësi i lëvizjes Maqedoniski Koncept, dr. Petar Bogojevski, ka publikuar një mesazh të drejtpërdrejtë ku deklaron se Ahmeti “i ka fituar betejat, por e ka humbur luftën”.
Bogojevski shkruan:
“Shok Ahmeti, ti thua se ke fituar njëqind beteja. Ndoshta i ke fituar, por ç’të vlejnë ato, kur në fund luftën e humbe nga ne!
Ata që ke rreth vetes nuk kanë guxim të ta thonë të vërtetën, prandaj po ta them unë: ti ke humbur gjithkund – në terren, në institucione, në besim, në legjitimitet dhe në të ardhmen.
Ti u përpoqe të zëje një vend në histori, por ne e morëm të ardhmen. Historia nuk i mban mend ata që kanë nisur konflikte, por ata që i kanë përfunduar!
Ti je në strofën e fundit të këngës tënde, ndërsa ne po e luajmë notën e parë.
Të kemi mposhtur me armë, të kemi mposhtur me ide. Është një humbje që nuk shërohet as me mite, as me pllaka përkujtimore.
Ti po shkon në harresë, në plehun e historisë! Dhe atje, shok, ti na prisje, por ne ju lamë juve.
Kot i ke të gjitha flamujt që i valëvite, sepse në fund flamuri që do të mbetet, është yni.
Mos harro – betejat i fitojnë komandantët, por luftërat i fitojnë liderët. E ti, kurrë nuk ke qenë i tillë!”
Në fund të reagimit të tij, Bogojevski e mbyll me një notë ironike:
“Me një dozë kënaqësie, dr. Petar Bogojevski.”