Përplasje mes deputetëve të BDI-së dhe shumicës parlamentare për ndryshimet e Ligjit të Inspektoratit të Gjuhëve

Për të dytën ditë me radhë në Kuvend debatohet rreth çështjes së ndryshimit të Ligjit për Inspektoratin për Përdorimin e Gjuhëve, me të cilat mes tjerash parashikohet heqja e statusit juridik. Sipas shumicës parlamentare me këto ndryshime do të mundësohej që Inspektorati të vihet sërish në funksion dhe do të tejkalohet problemi që të punësuarit katër muaj nuk kanë marrë rroga. Megjithatë për Fronti Evropian ndryshimet janë të prapranueshme pasi sipas tyre, qëllimi është që me heqjen e statusit juridik Inspektorati të transformohet në një zyrë e thjeshtë pa kompetenca.

“Propozim-ligji në fjalë e heq statusin e personit juridik të Inspektoratit duke e bërë thjeshtë njësi administrative brenda Ministrisë së Drejtësisë. Domethënë, qëllimi është të hiqet një ent i pavarur dhe të kthehet në një zyrë të thjeshtë e cila do të funksionojë nën urdhrat e një Ministrie me tendencë kontrollin dhe abuzimin nga qeveritarët aktualë”, deklaroi Rina Ajdari, deputete e Frontit Evropian.

“Ky propozim-ligj nuk kalon në seancë plenare. Ju jeni shumë të vetëdijshëm që nuk e keni shumicën e badenterit dhe kjo është ai legjitimiteti. Dhe le të kërkohet shkaktari, fajtori pse ato të punësuar nuk marrin rroga dhe ato le t’u drejtohen organeve gjyqësore le ta padisin shtetin dhe atyre do t’iu kompensohet”, tha Musa Xhaferi, deputet i Frontit Evropian.

Deputetët e shumica parlamentare demantuan deputetët e BDI-së, duke u thënë që heqja e statusit juridik bëhet për të gjithë inspektoratet përfshirë dhe atë të gjuhës maqedonase, ndërsa kjo ka ardhur si pasojë e votimit të Ligjit për Organizimin e Administratës Shtetërore, të cilin vetë deputetët e BDI-së e kanë votuar.

“Vlerësoj se kjo çështje edhe pse dikush dëshiron ta paraqes si temë etniko-politike, kjo çështje është temë reformuese që është harmonizim me legjislativin aktual dhe me ligjin më të lartë për Organet e Administratës Shtetërore që është votuar me 88 deputetë të shumicës parlamentare dhe grupi i deputetëve të BDI-së, përfshirë dhe deputetin Sali Murati”, u shpreh Antonio Milloshoski, deputet i VMRO-DPMNE-së.

“Ju thamë se ligj të njëjtë kemi edhe për gjuhën maqedonase, ju thamë se kjo është harmonizim me ligjin që është votuar me dy të tretat për organizimin e administratës shtetërore që edhe ju vetë e keni votuar, që edhe propozuesi i këtyre amendamenteve personalisht e ka votuar dhe Ali Ahmeti erdhi që personalisht ta votojë. Harmonizojmë”, tha Lupço Prenxhov, deputet i VMRO-DPMNE-së.

“Nëse vetëm një dispozitë ma thoni tani këtu, me të cilën shfuqizohet cilado kompetencë në lidhje me mbikëqyrjen e përdorimit të shqipes se shfuqizohet me këtë ligj, unë menjëherë do ta tërheqë këtu ligjin”, deklaroi Boban Karpejovski, deputet i VMRO-DPMNE-së.

Inspektorati për përdorimin e gjuhëve momentalisht është jofunksional, në kuptimin e plotë të fjalës. Përveç që është lënë pa rroga për më shumë se katër muaj, Inspektorati, siç ka raportuar Alsat, madje nuk ka as letër e ngjyrë për të kryer detyrat elementare. Prej shtatorit të vitit të kaluar, Inspektoratit i janë përgjysmuar edhe zyrat, respektivisht prej 6 në 3 kurse shteti shpërfill ndër vite k

REKLAMË

REKLAMË

lajmet e fundit

BE e shqetësuar për gjendjen e sundimit të ligjit në Shqipëri, Serbi, Mal të Zi dhe Maqedoni të Veriut

Komisionarja për Zgjerim e Bashkimit Evropian (BE), Marta Kos, ka thënë të martën se blloku mbetet i shqetësuar për gjendjen e sundimit të ligjit...

Presidenti sirian: Negociatat e sigurisë me Izraelin mund të sjellin rezultate së shpejti

Edhe pse nuk dha detaje konkrete mbi përmbajtjen e negociatave, presidenti sirian la të kuptohet se një hap i parë drejt një marrëveshjeje mund...

Pse Rugova e Bukoshi jo, por Thaçi? Williams: Pa UÇK-në, negociatat do të ishin thjesht “Potemkin” – ishin dimensioni kyç

Paul Williams, avokati ndërkombëtar dhe këshilltari ligjor i delegacionit shqiptar në Rambuje duke u marrë në pyetje nga trupi gjykues në Dhomat e Specializuara...

Nga progresi te stagnimi: Shqipëria afër hapjes së të gjithë kapitujve, Shkupi me derë të mbyllur

Shqipëria po shënon ritme të shpejta në rrugën e saj drejt Bashkimit Evropian, duke u shndërruar në vendin më dinamik të Ballkanit Perëndimor në...

Tanket izraelite hyjnë në zonën kryesore të banimit në Gaza

Lagjja Sheikh Radwan ishte shtëpia e dhjetëra mijëra njerëzve para luftës dhe konsiderohet si një nga zonat më të dendura të populluara të qytetit Banorët...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu