Prparim Avdili, shtetas i Zvicrës, shqiptar me prejardhje nga Maqedonia e Veriut, është propozuar nga partia e tij Liberale (FDP- Free Democratic Party of Switzerland, Partia Demokratike e Lirë e Zvicrës) si kandidat për kryetar të qytetit të Cyrihut në Zvicër, përcjell TV21. Ai vetë e ndau këtë informacion përmes një postimi në Facebook.
Në postimin e tij, Avdili ndalet te prejardhja e tij, duke theksuar se familja e tij ka rrënjë nga Kumanova, por se jeta e tij është e lidhur me Zvicrën, ku është rritur.
“Jam rritur në Cyrih si fëmijë i një familjeje migrante. Arsimin e kam marrë në lagjet Altstetten dhe Albisrieden, dhe edhe sot jam i lidhur ngushtë me lagjen time, ende luaj futboll me shokët e fëmijërisë. Jam i lidhur ngusht me këtë qytet dhe çdo ditë e jetoj me pasion atë që bëj,” ka shkruar Avdili.
Avdili, përndryshe, e ka prejardhjen nga fshati Llojan i komunës së Likovës, në rajonin e Kumanovës.