Të paktën 134 persona, duke përfshirë 13 gra dhe pesë fëmijë, u vranë në përleshjet në provincat siriane të Latakisë dhe Tartus të premten, njoftoi kanali televiziv kurd Rudaw teksa raporton se shumica e të vrarëve ishin anëtarë të komunitetit alavit.
– Advertisement –
Gjithsej 229 persona janë vrarë që nga e enjtja në një shkëmbim zjarri të ashpër midis forcave të qeverisë kalimtare të Sirisë dhe mbështetësve të armatosur të ish-presidentit të vendit Bashar Assad.
Departamenti i Punëve të Brendshme të Latakisë tha më herët se 50 oficerë sigurie ishin vrarë në një operacion për të shtypur një rebelim të armatosur në veriperëndim të vendit. Autoritetet kanë zgjatur edhe për 24 orë shtetrrethimin e shpallur në zonat e populluara të enjten.
Ministria siriane e Mbrojtjes tha të premten se kontrolli ishte rivendosur mbi zonat bregdetare. luftimet vazhdojnë në disa zona, duke përfshirë Qardaha, vendlindja e familjes Assad.
Përplasjet janë sfida më e madhe me të cilën është përballur qeveria tranzitore në Damask që nga ndryshimi i pushtetit në dhjetor 2024.