Një episod interesant dhe humoristik ka ndodhur në Instagram mes yllit të Manchester Cityt, Phil Foden, dhe klubit mbretëror spanjoll, Real Madrid. Gjithçka nisi kur përforcimi më i ri i “Los Blancos”, Trent Alexander-Arnold, ndau një postim në rrjetin social për prezantimin e tij si madrilen.
Nën këtë postim, Foden komentoi me humor: “Ndoshta mund të bashkohem edhe unë, shok?😂” , duke ngacmuar mikun e tij të ri. Por ajo që befasoi ndjekësit ishte reagimi i menjëhershëm i profilit zyrtar të Real Madridit, i cili u përgjigj me një koment të shkurtër dhe të prerë: “NO”.
Ky reagim shkaktoi mijëra reagime dhe komente në rrjet, ku tifozët e interpretuan përgjigjen si një refuzim elegant, ndoshta në stilin karakteristik të klubit – apo ndoshta një tjetër batutë e ftohtë në këtë “loje të ngrohtë” mes futbollistëve.
Pavarësisht nëse ishte thjesht humor apo një mesazh i koduar, një gjë është e sigurt: edhe në rrjetet sociale, Real Madridi di të jetë i drejtpërdrejtë.